Менаџерот на Манчестер Сити, Пеп Гвардиола, ги критикуваше ФИФА и УЕФА за густиот натпреварувачки календар.
„Тие убиваат фудбалери, ова е премногу. Од почетокот на сезоната немаме една недела одмор. Играчите се луѓе, не се машини. Сакам моите играчи да бидат здрави. Некои луѓе сакаат да играме секој ден, но невозможно е да се освојат сите натпреварувања“, изјави Гвардиола.
Манчестер Сити е убедлив лидер во Премиер – лигата со 74 бода, а утре гостуваат кај Борусија Дортмунд во првиот меч од четвртфиналето во Лигата на шампионите.
