Фудбалската репрезентација на Турција ќе ја предизвика Италија на отворањето на Европското првенство, вечерва (21 часот) на Олимпискиот стадион во Рим. Селекторот на Турција, Шенол Ѓунеш, вели дека Италија е квалитетна селекција, но верува дека неговиот тим може да стигне до триумф.
„Италија е квалитетна селекција. Отсекогаш биле мајстори за турнирски натпреварувања. Манчини го познава турскиот фудбал, работеше во Галатасарај. Ние не сме фаворити, но веруваме дека можеме да оствариме триумф. Искрено, сонувам да играме финале против Италија, повторно да се сретнеме во последната пресметка за трфејот. Ги знаеме сите слабости на италијанската репрезентација и верувам дека можеме да победиме“, вели селекторот на Турција.
Првиот меч на ЕВРО ќе го суди Холанѓанецот Дани Макели.
