Грнчаров пребројува кој ќе остане во Вардар на стартот на подготовките

Најтрофејниот македонски клуб Вардар по долга пауза и многу подоцна од првичните планови, денеска ги стартуваше подготовките за вториот дел од сезоната. Беспарицата удри по фудбалерите кои се „разбегаа“ во текот на зимата, па првата активност на тренерот Бобан Грнчаров е да преброи кој ќе остане да го носи „црвено-црниот“ дрес.

Долго време нема плата во Вардар, поголем дел од фудбалерите тоа не можат да го поднесат и си бараат можност за промена на средината.

Најавите за подобро утре постојано се одложуваат, а реалноста е дека Вардар треба да тренира во село Кадино, а и покрај тоа има амбиции за враќање во елитата. Дали тоа ќе може да биде реализирано, останува да покаже вториот дел од сезоната во Втората лига.

Kако дел од подготовките ќе бидат одиграни три пријателски натпревари, на 4. февруари против Тетекс, на 8. февруари против Скопје, и на 11. февруари против Работнички.