Македонскиот прволигаш Гостивар го победи со 2-1 култниот босански клуб Сараево на пријателскиот натпревар што се одигра во Ровињ, Хрватска. Гостиварци славеа со пресврт во второто полувреме.
Сараево одлично го отвори натпреварот, стигнувајќи до водство од 1-0 веќе во шестата минута. Од десната страна центрираше Алдин Туркеш, а на вистинското место во вистинско време се најде Мирза Мустафиќ, кој ја погоди мрежата.
Во второто полувреме сепак доминираше Гостивар и успеа да направи комплетен пресврт.
Прво, Емануел Мбенде постигна гол во 54. минута за 1-1, а само три минути подоцна, по нова опасна ситуација пред голот, Марко Симоновски реализираше за 2-1.
