Голманот на Интер, Јонут Раду, доби дозвола да и се приклучи на фудбалската репрезентација на Романија. Чуварот на мрежата ја напушти изолацијата и доби можност да замине за Букурешт откако доби два негативни теста на Ковид-19.
Јонут Раду беше на списокот на селекторот Мирел Радои, но првично беше најавено дека нема да може да се приклучи на националниот тим. Сепак, сите репрезентативци од Интер кои добија негативни тестови за коронавирус, добија дозвола од клубот и од здравствените власти на Милано да заминат во своите држави и да одговорат на репрезентативниот повик.
Романија има уште тројца голмани, Флорин Ница (Спарта Прага), Давид Лазар (Астра) и Флорин Јакоб (УТА Арад). Првиот има најголеми шанси да биде во стартниот тим на Романија на дуелот против Македонија в четврток.
