Во дербито на досегашниот тек од турскиот шампионат, Трабзонспор го совлада Коњаспор со 2-1 и го трасираше патот кон шампионска титула. Босанецот Един Вишча беше стрелец на двата гола за Трабзон.
Трибините на стадионот беа преполни, околу 40.000 домашни навивачи беа сведоци на голема победа која за жал имаше и трагичен епилог.
Имено, еден од навивачите на Трабзонспор имал срцев удар за време на натпреварот поради голема возбуда и преголема прослава.
Лекарите и брзата помош успеале да го пренесат несреќниот навивач во болница каде за жал починал. Трагичната вест ја потврди и клубот Трабзонспор.
„Почина нашиот навивач Ејуп Јусуф, кој беше пренесен во болница по срцев удар. Изразуваме сочувство до неговото семејство и нашите навивачи“, соопшти турскиот клуб.
