Чави Хернандез и официјално ја доби клупата на Барселона, а на промоцијата присуствуваше и неговиот некогашен тренер Пеп Гвардиола. Тој сега е предводник на Манчестер Сити и му понудил интересна размена на својот „ученик“.
Гвардиола е подготвен да го испрати Рахим Стерлинг во Барселона во зимскиот преоден рок, доколку каталонскиот клуб се согласи за трансфер на Френки де Јонг на „Итихад“.
На „граѓаните“ им е потребен нов креативец во средниот ред, а Гвардиола смета дека Чави секако го има Бускетс во средниот ред, а тука се и младите и суперталентирани Педри и Гави.
Стерлинг се почесто е на клупата за резерви по доаѓањето на Џек Грилиш и сигурно би сакал нов предизвик во кариерата.
