Централниот дефанзивец на Пари Сен Жермен, Преснел Кимпембе, нема да игра на Светското првенство во фудбал во Катар од 20 ноември до 18 декември.
27-годишниот Кимпембе на својот Инстаграм профил напиша дека не се опоравил од повредата на тетивата и нема да може да учествува на првенството. Тој одигра 15 минути во победата од 5-0 над Оксер изминатиот викенд, откако го пропушти Лориен една недела претходно поради истиот проблем со Ахиловата.
Фудбалската федерација на Франција соопшти дека неговото место во изборот на Дидие Дешам ќе го заземе Аксел Дисаси од Монако. Дисаси (24) ќе може да дебитира за француската репрезентација, бидејќи играл за оваа земја како младинец, но и за Демократска Република Конго.
Кимпембе беше дел од репрезентацијата на Франција на Светското првенство во Русија, каде „петлите“ ја освоија светската титула.
