Connect with us

Ѓока: Не смеевме да оставиме отворен меч до крајот

Шкендија во последното есенско коло го доживеа првиот првенствен пораз, загуби од Пелистер во Тетово со 0-1. Тимот не реагираше соодветно на овој меч, а гостите од Битола тоа знаеја да ги искористат.

Тренерот Ернест Ѓока вели дека ја презема одговорноста за овој пораз и потенцира дека Шкендија не смеела да дозволи мечот да биде резултатски отворен до самиот крај.       

„Не требаше да загубиме, но таков е фудбалот. Според прикажаното, Шкендија требаше да ги освои трите бода, но за тоа треба и да се постигнат голови. Ние не смеевме да дозволиме да одлучува еден пенал на крајот, мораше порано да го затвориме резултатски мечот. Јас ја преземам одговорноста за поразот. Сепак, овој пораз не треба да го сурши сето она што го направија фудбалерите во есенскиот дел од првенството. Ни следи зимски одмор, нека се одморат фудбалерите, па потоа одиме во нови искушенија“, изјави Ѓока.

Шкендија има шест бода предност пред конкурентите Шкупи и Македонија ЃП на врвот на табелата по 18 одиграни кола. 

 

Advertisement
Advertisement
Advertisement

Facebook

Тимови