Шокантниот пораз на Јувентус (0-1) од Беневенто во Торино се уште е топ тема во италијанската фудбалска јавност. „Старата дама“ ги губи шансите за одбрана на „скудетото“, а како главен виновник е посочен Бразилецот Артур, засилување вредно 72 милиони евра, кој направи катастрофална грешка овозможувајќи му погодок на Беневенто.
Артур беше крај левото корнер знаменце, во позиција на лев бек, и одлучи да подаде хоризонтално кон шеснаесетникот, а тоа го искористи Адолфо Гаич и постигна шокантен погодок за Јувентус.
