Европските гиганти се заинтересирани за 21-годишниот аргентински играч за врска Енцо Фернандез, кој беше прогласен за најдобар млад играч на Светското првенство во Катар. Тој беше најсериозно поврзуван со Ливерпул, кој наводно бил подготвен да и понуди на Бенфика до 100 милиони евра.
Сепак, Ливерпул доби конкуренција во најголемиот ривал Манчестер Јунајтед, пренесуваат португалските медиуми.
Јунајтед моментно води во трката за Фернандез и е подготвен да ја активира откупната клаузула од 120 милиони евра за да нема проблеми со конкуренцијата.
Енцо Фернандез летово пристигна во Бенфика од Ривер Плата за 12 милиони евра, но по само една полусезона јасно е дека Португалците од него ќе заработат многукратно повеќе.
