Фудбалерот од средниот ред на Барселона, Гави, изрази огромна почит кон својот соиграч Ламин Јамал, нарекувајќи го еден од најдобрите фудбалери во светот во моментот. Барселона вчера забележа убедлива победа од 5-1 против Бетис во Купот на Шпанија, а Јамал продолжува да покажува дека е блиску до својата најдобра форма.
„За мене, тој е најдобриот во светот, веднаш зад Меси. Ламин има неверојатен талент и во моментов е најдобар. Сепак, би било глупаво да го споредуваме со Меси, бидејќи никогаш нема да има друг како него. Тој е уникатен, исто како Чави, Иниеста или Бускетс. Ние треба да го градиме нашиот пат“, изјави Гави.
Исто така, Гави ги коментираше и шпекулациите за евентуалното заминување на Роналд Араухо.
„Навивачите на Барса можат да бидат мирни. Многу новинари измислуваат разни работи, но Араухо ќе остане. Се зборува многу во медиумите, но повеќето од тие информации не се точни“, изјави Гави.
