Женската фудбалска репрезентација на Македонија доживеа пораз од Косово во третиот натпревар од Лигата на нациите. Тоа е трет пораз во трите одиграни меча за нашите фудбалерки.
Избраничките на Кирил Изов се поразени од Косово со 3-1.
Халилај од пенал во седмата минута донесе водство за Косово, а Мемети во 14. минута зголеми на 2-0. Бикај во 34. минута стрелаше за 3-0.
Македонија постигна почесен гол преку Оливера Цоклеска во 90. минута за 3-1.
