Фудбалерите на Манчестер Јунајтед се лути на менаџерот на тимот Рубен Аморим, кој ги обвини за претстојниот бран отпуштања во клубот, откриваат англиските медиуми. Генералниот директор Омар Берада објави дека клубот ќе се раздели со 200 луѓе од администрацијата.
„Ние мора да се справиме со сите проблеми во клубот, но има еден важен елемент и треба да сфатиме како стигнавме до оваа ситуација. Ова е поврзано со недостигот на успех на тимот, бидејќи ние сме моторот на целиот клуб“, изјави португалскиот стратег.
Според медиумите на Островот, зборовите на тренерот биле многу лошо прифатени од фудбалерите, кои се почувствувале навредени.
„Ако ја посетите базата на клубот, ќе добиете впечаток дека Аморим и играчите се во добри односи. Но, вистината е дека фудбалерите се повредени од тоа што се обвинети за финансиските проблеми на клубот“, изјавил извор од Манчестер Јунајтед.
Рубен Аморим беше назначен за менаџер на Јунајтед во ноември, но тимот продолжува да прикажува нестабилни игри, што го натера стратегот да изјави дека веројатно ова е најслабиот тим во историјата на клубот во Премиер – лигата.
