Светскиот првак Франција го заокружи списокот на полуфиналистите и закажа пресметка со сензацијата Мароко откако ја совлада Англија со 2-1 во европскиот класик на Мундијалот во Катар.
Трагичар е Хари Кејн, кој не успеа да реализира пенал за израмнување во 84.минута од дуелот.
Претходно Кејн погоди од белата точка во 54.минута и тогаш израмни на 1-1.
Чуамени постигна прекрасен гол со удар од далечина и донесе водство за Французите во 17.минута.
Оливие Жиру се погрижи за победата со удар со глава во 78.минута од дуелот.
