Најголемиот фудбалски талент од Јужна Америка, аргентинскиот тинејџер Франко Мастантуоно, ќе стане нов играч на Реал Мадрид. Според аргентинските медиуми, младата ѕвезда на Ривер Плата го прифатила предлогот од мадридскиот гигант, одбивајќи ја понудата на ПСЖ.
Договорот меѓу Реал и Ривер Плата е вреден 40 милиони фунти, а Мастантуоно ќе потпише долгорочен договор со „кралевите“ до 2031 година.
Сѐ уште не е одлучено дали ќе му се приклучи на Реал Мадрид веднаш или по завршувањето на Светското клупско првенство, а конечната одлука ќе ја донесе новиот тренер Чаби Алонсо, кој го презема тимот од Карло Анчелоти по крајот на сезоната.
Мастантуоно (роден во 2007 година) веќе остави силен впечаток со своите настапи во Аргентина и се смета за еден од најперспективните млади играчи на континентот. Со овој потег, Реал Мадрид продолжува со својата стратегија на доведување на млади јужноамерикански таленти, како што тоа претходно го направи со Винисиус Жуниор, Родриго и Ендрик.
