Италијанскиот репрезентативец Алесандро Флоренци е позитивен на коронавирус и нема да биде дел од тимот на Пари Сен Жермен на дуелот против Баерн Минхен во четвртфиналето на Лигата на шампионите. Тој е вториот фудбалер на францускиот првак по неговиот сонародник Марко Верати, кој ќе го пропушти двомечот поради позитивен тест на коронавирусот.
Флоренци е во домашна изолација и во наредните две седмици ќе остане одвоен од соиграчите.
Пари Сен Жермен в среда му гостува на Баерн Минхен на „Алијанц арена“ во Германија, во првиот четвртфинален меч од Лигата на шампионите.
