ФИФА ќе се состане во четврток за тоа дали ќе дозволи репрезентацијата на Еквадор да игра на Светското првенство во Катар, откако оваа недела се појавија нови извештаи дека дефанзивецот Бајрон Кастиљо можеби има фалсификуван пасош. „Дејли Мејл“ пренесе дека фудбалерот не само што е роден во Колумбија, туку е три години постар од она што го пишува на неговата лична карта.
„Тоа воопшто не ни пречи. Ние знаеме за обвинувањата веќе неколку години и не е ништо ново“, изјави потпретседателот на федерацијата Карлос Мансур во интервју за чилеанскиот весник „Ла Терцера“.
Според него, записот за фалсификување пасоши е од истрага на Еквадорците во 2018 година. По завршувањето на истрагата, Еквадор му издал нов извод од матична книга на родените на Кастиљо и потоа бил повикан во репрезентацијата.
