Швајцарскиот репрезентативец Гранит Џака по натпреварот со Србија облече контроверзен дрес со името на Јашари. Овој дрес е контроверзен поради фактот што го носи презимето кое сите генерално го поврзуваат со поранешниот лидер на ОВК, Адем Јашари.
Како што пренесува британскиот „Експрес“, постои можност ФИФА да покрене истрага.
„Воопшто не беше политички. Тоа беше дресот на мојот соиграч Ардон Јашари. Тој е млад играч, со кого одлично се согласувам. Реков дека ако постигнам гол ќе го носам неговиот дрес“, изјави Гранит Џака по мечот.
Швајцарскиот тим во осминафиналето ќе се сретне со Португалија.
