Фудбалската репрезентација на Еквадор би можела да биде исфрлена од мундијалот во Катар. Мексиканската телевизија „Azteca Deportes“ доцна синоќа објави, повикувајќи се на адвокат од Чилеанската фудбалска федерација, дека ФИФА одлучила Еквадор да биде исфрлен од Светското првенство. Проблемот наводно е во пасошот на еден еквадорски играч, а конечната одлука ќе биде објавена в петок.
Веста ја пренесоа некои јужноамерикански медиуми, а адвокатот Едуардо Карлецо изјави за „Azteca Deportes“ дека е сигурен дека одлуката ќе биде во корист на чилеанската федерација. Имено, Чилеанците тврдат, а сега наводно имаат и докази, дека Бајрон Кастиљо во квалификациите за СП настапувал за Еквадор со лажен пасош.
Карлецо тврди дека Кастиљо со помош на еквадорските цивилни власти и тамошната фудбалска федерација ги фалсификувал сите документи и дека тој всушност воопшто не е Еквадорец. Карлецо тврди дека е роден во Колумбија, дека неговите отпечатоци воопшто ги нема во еквадорските регистри и дека не смеел да игра за Еквадор.
„Родителите на Бајрон Кастиљо се родени во Тумако, Колумбија, Бајрон е роден во Тумака и таму е крстен. Нема докази дека тој има некаква врска со Еквадор и доказите се многу јасни“, рече Карлецо, кој ја претставува Чилеанската фудбалска асоцијација.
„Azteca Deportes“ пишува дека ФИФА веќе практично донела одлука и дека Еквадор ќе биде исфрлен од мундијалот, односно дека натпреварите на кои играл ќе бидат регистрирани со резултат 3-0 за противниците.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski