Турскиот гигант Галатасарај ја запиша својата втора победа во Лигата на шампионите оваа сезона, откако на домашен терен го совлада Бодо/Глимт со 3-1.
Виктор Осимен беше јунак на натпреварот — тој ги постигна првите два гола за Галатасарај, а во 60. минута Јунус Акгун погоди за убедливи 3-0. Почесниот гол за гостите беше дело на Андреас Хелмерсен во 76. минута.
По цели 11 години, Атлетик Билбао повторно се радува на победа во Лигата на шампионите, додека Карабах првпат сезонава го почувствува вкусот на поразот во елитното натпреварување, иако прв поведе на „Сан Мамеш“.
Леандро Андраде го изненади Билбао уште во првата минута, но Гурузета израмни во 40.минута. Во второто полувреме, Роберт Наваро донесе целосен пресврт, а Горка Гурузета во 88. минута го потврди триумфот од 3-1.
