Фудбалската репрезентација на Македонија синоќа имаше огромна поддршка од трибините во обидот да стигне до триумф против Казахстан. Иако фудбалерите не успеаја да победат (1-1), се трудеа до последен момент, а имаа и силен ветар во грб од трибините.
Беше прекрасно да се видат исполнети трибините на Арената „Тодор Проески“ и ова е сликата која треба да биде редовна на натпреварите на македонскиот национален тим во иднина.
„Ова чувство! Благодарност до сите навивачи за неверојатната енергија и поддршка! Напред Македонија“, истакнаа од Фудбалската федерација на Македонија.
Селекторот Благоја Милевски на прес – конференцијата по натпреварот исто така се заблагодари на фановите за огромната поддршка од трибините.
