Актуелниот тренер на Црвена Звезда, Владан Милојевиќ, ќе ја преземе селекторската функција на репрезентацијата на Србија, објавува „Спортски журнал“.
Оваа одлука следи еден ден по оставката на Драган Стојковиќ – Пикси, кој се повлече по поразот од Албанија (0-1) во Лесковац, кој практично ги затвори шансите за пласман во баражот за СП 2026.
Милојевиќ ќе ја комбинира новата улога со водењето на Црвена Звезда до зимската пауза, а неговиот дебитантски настап како селектор ќе биде на големиот дуел со Англија на „Вембли“ на 13 ноември. Три дена подоцна, Србија ќе го одигра последниот квалификациски меч за Светското првенство против Летонија во Лесковац.
По оставката на Драган Стојковиќ – Пикси, првично за најсериозен кандидат за негов наследник се споменуваше Вељко Пауновиќ, но очигледно дека дојде до пресврт.
