Најголемото засилување на Шкендија низ досегашниот тек од преодниот рок, Бразилецот Хуан Фелипе се приклучи на подготовките на тимот пред продолжението на европските настапи.
По враќањето на тимот од Талин, Фелипе денеска се приклучи на тренинзите ставајќи се на располагање на шефот на стручниот штаб Ќатип Османи за реванш пресметката од првото квалификациско коло од Лигата на шампионите против Номе Калју.
Во првиот натпревар во Талин, Шкендија славеше против Номе Калју со 0-1 со погодокот на Агим Ибраими од пенал во 81. минута од средбата.
