Фудбалерите на Манчестер Сити немале пријатен сон синоќа во Дортмунд затоа што фановите на Борусија се потрудиле дури трипати во текот на ноќта да ги будат со различни пиротехнички средства. Навивачите на „милионерите“ нема да можат вечерва да присуствуваат на „Сигнал Идуна Парк“, но се погрижија на поинаков начин да му помогнат на својот тим.
Организирано, иако е период на пандемија од коронавирус и не се дозволени големи групирања, навивачите на Борусија Дортмунд дошле пред хотелот каде престојуваат фудбалерите на Манчестер Сити и со навивачки песни, но и со пиротехнички средства правеле врева во два часот по полноќ, а потоа и во пет часот наутро, а третиот пат во шест наутро.
Ова е обид за Кевин де Бруин и останатите фудбалери на „граѓаните“ да останат без сон и да не се чувствуваат пријатно во пресрет на вечерашниот меч. Манчестер Сити има предност од 2-1 по првиот натпревар против Борусија Дортмунд одигран на „Итихад“.
