Пари Сен Жермен го претстави својот нов домашен дрес, инспириран од богатото наследство на клубот.
Откако ја освоија Лигата на шампионите за првпат во својата историја, тимот на Луис Енрике ќе носи дрес кој оддава почит на грандиозната архитектура на нивниот роден град.
„Поиконичен од кога било, легендарниот домашен дрес на Пари Сен Жермен е преработен со темно сина (полноќна) основа, силни црвени и бели детали и графички дизајн инспириран од решетеста структура што му оддава почит на архитектонското наследство на градот. Овој дизајн го отелотворува парискиот идентитет и традицијата на клубот. Од улиците на големиот Париз до трибините на ‘Паркот на принцовите’, овој дрес е повеќе од обична опрема: тоа е униформа на една генерација која го доживува фудбалот како култура и посветеност“, се зборовите со кои беше претставен новиот дрес.
Европските шампиони ќе дебитираат со својата нова опрема на воведниот натпревар од Светското клупско првенство против Атлетико Мадрид во Лос Анџелес на 15 јуни.
