Евертон и Манчестер Јунајтед одиграа 2-2 во првиот меч од саботната програма во Премиер – лигата. Домаќинот имаше водство од 2-0 по првиот дел, но „ѓаволите“ успеаја да се вратат и да освојат бод во финишот од дуелот.
Бето во 19.минута донесе водство, а Докуре го удвои во 33.минута.
Но, Манчестер Јунајтед се врати со многу подобра игра во вториот дел. Бруно Фернандеш од слободен удар намали на 2-1 во 72.минута, а Мануел Угарте донесе израмнување во 80.минута од мечот.
Во судиското продолжение беше досуден пенал за Евертон, но по прегледување на ВАР-снимката судијата ја промени својата одлука.
