Голманот на Евертон и репрезентативец на Англија, Џордан Пикфорд, заработи повреда на препоните која ќе го спречи да настапи за националниот тим на натпреварите од Лигата на нации против Италија и Германија.
Пикфорд се повреди минатиот викенд за време на дербито на „Мерсисајд“ против Ливерпул (0-0).
Од Евертон по деталните прегледи претпоставуваат дека тој ќе може да се врати дури по репрезентативната пауза.
Покрај тоа што нема да може да игра за репрезентацијата, Пикфорд ќе го пропушти и гостувањето на Евертон кај Арсенал, како и натпреварот против Вест Хем една недела подоцна.
На 23 септември Англија гостува во Италија, а три дена подоцна на „Вембли“ ќе ја пречека Германија.
Првиот натпревар на Евертон по паузата е против Саутемптон на 1 октомври.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski