Ерменија има супер – старт на квалификациите за СП 2022 во Катар во нашата група. Ерменците стигнаа и до третата победа откако ја совладаа Романија на домашен терен со 3-2. Со пресврт, со многу желба и мотиви и разиграниот Тигран Барсегјан дојдоа до многу важен триумф.
Спертсијан ја доведе Ерменија во водство, но Чикалдау со два гола го сврте резултатот во корист на Романија. Сепак, Ерменците не се предадоа и со головите на Харојан и на Барсегјан од пенал, дојдоа до голем триумф во самиот финиш од мечот.
