Норвешкиот интернационалец Ерлинг Халанд во летниот преоден рок ќе направи трансфер од Борусија Дортмунд во Манчестер Сити. Иако договорот се уште не е официјално склучен, протече најважната информација дека во него ќе има отштетна клаузула од 150 милиони евра, која може да се активира по две години од пристигнувањето на „Итихад“.
Очигледно дека Халанд си остава простор по две сезони во Манчестер Сити да размислува и за друг трансфер, можеби во Реал Мадрид, Барселона или во Пари Сен Жермен, кои исто така беа сериозни заинтересирани за негов ангажман.
Манчестер Сити за целата „операција“ ќе плати околу 350 милиони евра, иако официјално отштетата кон Борусија Дортмунд изнесува 75 милиони евра.
