Данскиот интернационалец Кристијан Ериксен го одигра првиот натпревар по срцевиот удар што го имаше на мечот од ЕП меѓу Данска и Финска на 12 јуни минатата година. Тој шест месеци по најтешките животни мигови повторно игра фудбал и тоа во дресот на англискиот премиерлигаш Брентфорд.
Ериксен играше еден час на пријателскиот натпревар против Саутенд. Брентфорд победи со 3-2, а Ериксен забележа една асистенција и двапати имаше можност да постигне гол, но не ја затресе противничката мрежа. Го стори тоа на својот 30. роденден.
Во периодот на Европското првенство, Ериксен беше член на Интер. Сепак, откако на данскиот фудбалер му беше вграден дефибрилатор, тој веќе автоматски не можеше да биде член на италијанскиот шампион, бидејќи Серија А во ова натпреварување не дозволува да настапуваат фудбалери кои имаат срцеви проблеми.
