Македонскиот репрезентативец Енис Барди спогодбено го раскина договорот со Трабзонспор шест месеци пред истекот и оваа зима како слободен агент ќе бара нова средина. Има понуди да се врати во Шпанија или пак да продолжи во Турција, но во друг клуб од тамошната фудбалска елита.
Трабзонспор е голем клуб, па со стил му се заблагодари на Енис Барди. Генералниот секретар на клубот, Сами Караман, на Барди му додели плакета како знак на благодарност за сѐ што сторил за Трабзонспор од 2022 година, кога потпиша за турскиот гигант.
