Македонскиот репрезентативец Елиф Елмас постигна прекрасен гол против Специја во триумфот на Наполи во Купот на Италија и емотивно му го посвети на починатиот дедо. Фудбалскиот дијамант верува дека неговиот дедо сега е на поубаво место и дека се гордее со постигнувањата на внукот.
„Кога се обидувам да ја издвојам личноста која ме инспирирала најмногу, се навраќам на дедо ми. Тажен сум дека веќе никогаш нема да те видам тука на земјата, сигурно ќе ми недостига твојата мудрост, охрабрување и инспирација. Ова ти го посветувам тебе мој дедо, верувам дека си горд на мене. Верувам дека сега си на подобро место. Почивај во мир дедо“, напиша Елмас на Инстаграм.
