Поранешниот менаџер на Борнмут, Еди Хау, е на чекор до договор со англискиот премиерлигаш Њукасл. Откако новите богати сопственици се обидоа со неколку звучни имиња и не успеаја да ги ангажираат, на крајот најверојатно ќе успеат да го доведат Еди Хау.
Тој треба да потпише договор на две и пол сезони и да стартува со работа со тимот.
Њукасл се обиде да стигне до Антонио Конте, Стивен Џерард, Франк Лампард, Брандан Роџерс, Унаи Емери, но не успеа да ги убеди да го преземат тимот кој во моментот се наоѓа на претпоследната позиција на табелата во Премиер – лигата.
