Еден од четирите капитени на Барселона, Серхи Роберто, би можел да ја продолжи кариерата во Атлетико Мадрид. Шпанските медиуми денеска открија дека Роберто е интересна опција за Атлетико, бидејќи договорот му истекува на 30 јуни и би можел да дојде како слободен агент.
Серхи Роберто може да игра на неколку позиции во средниот ред, но и како десен бек, па му се допаѓа на Диего Симеоне, а има и огромно искуство во Ла Лига, откако целата своја кариера ја мина во Барса.
Роберто се уште чека понуда од раководството на Барселона, но Хоан Лапорта реши да ги прекине сите преговори откако играчот одби да ја намали платата за 40%.
Во моментов минимални се шансите Роберто да остане, а Атлетико Мадрид има понуда на маса и не е исклучено да ги засили редовите на својот голем ривал.
Ова не би било првпат еден играч на Барса да оди директно во Атлетико Мадрид, пред две години тоа го направи Луис Суарез, а во 2013 година и Давид Вилја.
-
МАКФУДБАЛ ТИМ НА ПОЛУСЕЗОНАТА
Силекс заврши на врвот по првиот дел од сезоната во Првата лига, благодарејќи на...
Автор makfudbal
-
МАКФУДБАЛ ИГРАЧ на полусезоната: Али Регба (Работнички)
Работнички е најпријатното изненадување на првиот дел од сезоната во Првата фудбалска лига. „Романтичарите“...
Автор makfudbal