Милан ја оствари петтата победа во Серија А оваа сезона откако славеше на гости против Монца со 0-1. Стрелец на единствениот гол беше холандскиот интернационалец Тијани Рејндерс во 43.минута од мечот.
Тој се најде на вистинското место по одбиената топка од дефанзивците на Монца, откако претходно Алваро Мората упати шут со глава кон голот на противникот. Рејндерс немаше проблеми да ја испрати од втор обид топката на вистинското место.
Милан по овој триумф се искачи на седмото место со 17 бода, додека Монца е на 18. позиција со само осум освоени бода.
