Фудбалската репрезентација на Белгија ја совлада Естонија со 3-1 и обезбеди пласман на Светското првенство во Катар. „Црвените ѓаволи“ без проблеми дојдоа до победата, но напаѓачот на Реал Мадрид, Еден Азар, повторно потфрли на теренот.
Еден Азар го започна овој меч, но селекторот Роберто Мартинез го замени по еден час игра и го уфрли во игра неговиот брат Торган.
Еден стана предмет на потсмев по овој меч откако пропушти неверојатна шанса за гол. Доби прекрасна топка од Кевин де Бруин, излезе сам пред противничкиот голман, но реагираше почетнички.
