Двојки за четвртфиналето во ЛШ: Европскиот првак Челси налета на Реал Мадрид

Европскиот првак Челси ќе игра против Реал Мадрид во четвртфиналето на Лигата на шампионите. Интересен е и дуелот меѓу Манчестер Сити и Атлетико Мадрид, а уште поинтересно е што победниците од овие два натпревари ќе се пресметаат во полуфиналето.

Денеска во седиштето на УЕФА во Нион беа извлечени двојките за четвртфиналната фаза во Лигата на шампионите.

Четвртфинални двојки за ЛШ

Челси – Реал Мадрид
Манчестер Сити – Атлетико Мадрид
Вилјареал – Баерн Минхен
Ливерпул – Бенфика

Првите четвртфинални двојки се закажани за 5/6 април, додека реванш дуелите на програмата ќе бидет една седмица подоцна. Полуфиналните мечеви се закажани за 26/27 април, односно 3/4 мај, додека големото финале на „Стад де Франс“ е закажано за 28 мај.