Српскиот напаѓач Душан Влаховиќ би можел да си замине од Јувентус по завршувањето на оваа сезона. Италијанскиот „Тутоспорт“ пишува дека Арсенал го обновил интересот за Србинот и дека на лето ќе се обиде да го доведе во своите редови.
Арсенал нема класична „деветка“, на оваа позиција главно игра Каи Хаверц, кој е офанзивен играч за врска, а на менаџерот Микел Артета му е јасно што му е потребно за уште поголем пробив следната сезона.
Јувентус наводно е подготвен за преговори, би се согласил на продажба за 70 милиони евра, а парите би биле инвестирани во еден од тројцата напаѓачи кои се желби на клубот, Џошуа Зиркзе од Болоња, Алберт Гудмундсон од Џенова и Виктор Бонифејс од Баер Леверкузен.
