Српскиот првак Црвена звезда загуби од Лајпциг со 1-2 на стадионот „Рајко Митиќ“, а капитенот на тимот Александар Драговиќ изгледаше доста незадоволно по натпреварот.
„Морам да признаам дека Лајпциг заслужено победи, можеше да биде 3-0, 4-0 на полувремето. Можевме и ние да стигнеме до 1-1 потоа, но… Мислам дека беа подобри, да бидам искрен“, изјави тој.
Како еден од најискусните играчи, тој вели дека не може на таков начин да се игра во Лигата на шампионите.
„Примивме ист гол како и во Лајпциг. Како го одигравме првото полувреме, тоа ми пречи. Тоа не е доволно за Лигата на шампионите. Ако играме вака, ќе загубиме и против Јанг Бојс во Берн. Мора да играме подобро, а не само да зборуваме“, изјави Драговиќ.
Следниот натпревар на Црвена Звезда е во Швајцарија, тимот игра во Берн против Јанг Бојс во решавачки дуел за пласман во Лига Европа.
