Македонскиот прволигаш Пелистер обезбеди уште едно квалитетно засилување. Централниот дефанзивец Христијан Драгарски се врати под „Тумбе кафе“ и повторно ќе го носи дресот на „пелистерци“.
По разделбата со Теута, одбранбениот фудбалер ја прифати понудата на раководството на Пелистер за нова соработка и потпиша договор. Веднаш му се става на располагање на тренерот Димитар Капинковски.
Пелистер лошо ја стартуваше новата сезона и има само еден освоен бод по пет одиграни кола.
