Драган Стојковиќ – Пикси и официјално е именуван за селектор на фудбалската репрезентација на Србија. Легендарниот фудбалер на својот 56. роденден беше претставен во јавноста.
“Пресреќен сум и горд што сум селектор на својата земја. Не постои поголема чест од оваа, не можев да си посакам поубав родеденски подарок. Неколкупати досега истакнав, ќе кажам и сега. Мораме да бидеме единствени, на натпреварите да доминираме. Сакам да гинеме за дресот, грбот и химната на Србија. Уште еднаш благодарност до ФСС за довербата, се надевам дека заедно ќе се радуваме на успесите во иднина“, изјави Драган Стојковиќ, новиот селектор на Србија.
Пикси ќе дебитира на 24 март против Р. Ирска во Белград на квалификациски меч за СП во Катар 2022.
