Доријан Бабунски играч на сезоната во клубот Дебрецен

Македонскиот репрезентативец Доријан Бабунски е избран за играч на сезоната во унгарскиот прволигаш Дебрецен. Напаѓачот оваа сезона настапи на 30 натпревари за Дебрецен и имаше ефект од 13 гола и четири асистенции.

Доријан Бабунски се најде на третото место на листата на стрелците во првенството на Унгарија.

Дебрецен сезоната ја заврши на третата позиција и си обезбеди место во европските купови.