Во Бостон, САД, во периодот од 6 до 8 февруари се оддржа медицинската конференција на ФИФА на која свое учество земаа и нашите д-р. Невзат Јонузи – раководител на одделот за медицина во Фудбалската федерација на Македонија и д-р Анѓелина Крстева – дел од медицинскиот тим во женската А репрезентација.
Конференцијата на ФИФА ги собра медицинските професионалци од целиот свет на значаен собир, давајќи им можност да споделат знаење и да разменуваат идеи и искуства, како дел од напорите на ФИФА да ја направи фудбалската медицина достапна за сите асоцијации членки.
Дводневната конференција во Бостон се фокусираше на најновите научни истражувања и медицински достигнувања низ фудбалот и улогата на ФИФА во промовирањето на здравјето на играчите на сите нивоа.
„Во рамките на ФИФА конференцијата, нашата стратешка мисија е да го подобриме здравјето на играчите преку поставување стандарди во клиничката нега и управување и сакаме тие стандарди да бидат што е можно повисоки, истакна д-р Ендрју Маси, директор на Медицинскиот оддел на ФИФА.
На медицинската конференција, претседателот на ФИФА, Џани Инфантино зборуваше за важноста што светската организација ја дава во насока на здравствена заштита на играчите.
„Сите моравме да се справиме со Ковид -19 не толку одамна и да се вратиме во фудбалот од пандемијата и сите успеавме да го направиме тоа заедно на најдобар можен начин. Значи, ќе мора да продолжиме да инвестираме во медицински истражувања, во медицинска активност, во технологија, како и помагање на медицината. Вие сте тука да ни помогнете и да му помогнете на светот да напредува и да преземете чекори напред во заштитата на здравјето на играчите и сите оние кои ги опкружуваат“, истакна Инфантино.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski