Хари Кејн e повторно полн со енергија и е подготвен да остане во Тотенхем. Со доаѓањето на Антонио Конте се врати желбата на Хари Кејн да се бори за трофеи со својот тим.
Кејн е на удар на фановите и јавноста поради неговата очајна форма од почетокот на сезоната, се чинеше како да жали дека остана и му пропадна трансферот во Манчестер Сити.
Сепак, англиските медиуми откриваат дека Кејн сега е полн со ентузијазам и не сака да си замине, бидејќи верува дека Антонио Конте може да направи пресврт и дека Тотенхем повторно ќе биде тимот што ќе се бори за врвот во Премиер – лигата.
Кејн летово сакаше да се пресели во Манчестер Сити, беше бесен што Даниел Леви ја одби понудата на Сити од речиси 150 милиони евра, но потоа најави дека ќе го даде својот максимум и оваа сезона. Тоа не се почувствува во неговите настапи оваа сезона, па Конте сега ќе има главна задача да го мотивира и да го извлече најдоброто од Кејн.
