Добри вести за Арсенал и за Норвешка, Одегард подготвен за Турција

Повредата на Мартин Одегард од натпреварот против Гибралтар ги загрижи навивачите на Арсенал, но, сепак, пристигнаа добри вести од таборот на Норвешка. Се чини дека играчот од средниот ред ќе се врати уште викендов, според селекторот на неговата репрезентација, Стале Солбакен.

„Не станува збор за сериозна повреда. Верувам дека Мартин ќе биде подготвен за натпреварот против Турција во сабота”, изјави Собакен.

Одегард го повреди глуждот на пет минути пред полувремето во победата од 3-0 против Гибралтар. Повредата делуваше непријатна, а фудбалерот очигледно чувствуваше болка, па поради тоа на негово место, на почетокот на вториот дел, во игра влезе Патрик Берг.