Англискиот премиерлигаш Лестер го постави Дин Смит за нов менаџер. Тој потпиша договор до крајот на сезоната. 52-годишниот стратег доаѓа на местото на неодамна отпуштениот Брендан Роџерс.
Во стручниот штаб на Смит е и легендата на Челси, Џон Тери. Поранешниот англиски репрезентативец му беше помошник и во Астон Вила.
Дин Смит последен пат беше на чело на Норич, но се раздели во декември минатата година.
Лестер по 30. коло во Премиерлигата го зазема претпоследното 19. место на табелата со 25 бода.
