Поранешниот капитен на Челси и англиски репрезентативец, Џон Тери, има желба да купи 10 отсто од акциите и да стане малцински сопственик на англискиот премиерлигаш кој е на продажба. Тој и поранешната фудбалерка Клер Раферти се фронтмени на конзорциумот „Вистинско сино“ и имаат понуда од 250 милиони фунти за купување на малцински дел од акциите.
Рокот за понуди за продажбата на Челси истекува вечерва.
Неколку милијардери и инвестициски фондови од Велика Британија, САД и од Саудиска Арабија веќе поднесоа понуди за купување на актуелниот европски првак.
