Крис Хaтон очајно влезе во сезоната со Нотингем Форест во Чемпионшип дивизијата, а медиумите на Островот пишуваат дека Џон Тери е прв кандидат за негов наследник.
Нотингем Форест е последнопласиран тим во вториот ранг на англискиот фудбал, и нема резултати ниту игри, па се очекува Хатон набрзо да добие отказ.
Славниот англиски тим патува за Велс следниот викенд кај силниот Кардиф, и ако загуби, речиси е сигурно дека Хатон ќе биде првиот менаџер што ќе мора да замине.
Тери беше помошник тренер во Астон Вила од 2018 до летово, и се повлече за да поминува повеќе време со семејството. Сигурно не очекуваше дека толку брзо ќе биде пред својот прв независен ангажман.
