Џирона сподели емотивна фотографија од Миовски со порака на македонски јазик (Фото)

Џирона сподели емотивна фотографија од Бојан Миовски, кој синоќа во квалификацискиот дуел против Лихтенштајн постигна гол и со молитва им оддаде почит на жртвите од трагичниот пожар во Кочани.

По голот, Миовски посочи кон небото, посветувајќи го погодокот на оваа тажна случка што ја потресе цела Македонија.

Џирона ја објави фотографијата и на македонски напиша: „Нашиот најдобар стрелец“.

Македонскиот напаѓач се очекува да биде во почетниот состав и во вторник, на дуелот со Велс, надевајќи се дека ќе ја продолжи добрата форма.